BAHAN SERMON EVANGELIUM – MINGGU XII DUNG TRINITATIS – 27 AGUSTUS  2023

Patujolo

  Tangiang ima dalan manghatai dohot Debata. Tangiang ima persekutuan dohot Debata. Didok Eka Darma Putra “ Doa adalah menyatukan hati kita dengan hati Allah”. tangiang ima hataridaan di halak na porsea na pasahathon dirina tu Debata. Di na martangiang jumolo di talului Debata. BE. No. 487 “ Tung halak na margogo do si prtangiang I”. Ido na pinaandar ni turpukta ditingki on, tarjou halak na porsea I gabe mangolu di bangasan ngolu na martangiang. Na mangalehon rohana laho martangiang.

Dung di pahot Debata harajaon ni si Daud di Israel.  ro ma angka pande hau dohot tukang laho pajongjong bagas ni si Daud. Jala ditongos raja Hiram na sian Tirus ma angka hau na sian ares dohot angka pande. Dina hundul Raja  Daud dibagas jabuna, jala nunga marhasonangan be rohana, adong ma rencana ni si Daud laho pajonjong bagas ni Jahowa, ala tongon poti ni Debata  (Taurat, Manna, Tongkat Harun) maringanan ditonga ni rimberimbe (undungdung). Dung marhasonangan si Daud ndang holan ibana dipingkiri, alai dohot do dipingkiri ibana, asa denggan ni parpeak ni poti ni Debata. Dison di pataridahon sian Daud do ala nungga tarpasupasu ibana, pasupasuna di ibana I, berdampak tu namamingkiri pajongjong bagas joro ni Debata. Tutu denggan do rencana ni si Daud I, alai marhitehite si Natan, dipasahat Debata ma alusna, ia na na pa jonjong bagas ni Jahowa ima anakna si salomo (Bnd 1 kronika 22:6-10).  nang pe ndang si Daud pajonjong bagas ni Jahowa, di pasahat Debata do pasupasuNa tu si Daud dohot keluargaNa. Alani, ndang pintor muruk si Daud ala so saut sangkap na I. denggan do dibege ibana pasupasu ni Debata na pinasahat ni si Natan. Dihamulatehon si Daud do pasupasu Debata. Hundul do si Daud di bagas ni Jahowa. Karakter si Daud on na gabe sitiruon di angka siihuthon Kristus, molo so saut pangionna ndang mandele, alai lam dipajonok ibana do tu Debata, marhite tangiangna jala mangido ibana asa hotma padan ni Debata tu si Daud dohot tu pinomparNa.

Hatorangan ni Turpuk

1.  Natoras si partangiang (Ayat 25) ima bagian sian penutup tangiang ni si Daud. Daud sahalak raja na manggomi harajaon Israel, alai ndang lupa si Daud, natoras do ibana tu ianakkonna. Marolopolop do roha ni si Daud tu Debata ala tongon dipasupasu Debata do angka anakNa. Jala olo Debata gabe Amani saluhut angka pinompar ni si Daud. Huhut Debata na mangalehon mangajari  inakkonna ( 2 samuel 7: 14).

Ditangiang na i, dipangido si Daud asa Hot pasupasu Ni Debata tu ibana dohot tu pinomparna. Marhite pandoha,  Hata NaposoM patuduhon haserepon ni si Daud, ala di rajumi ibana do dirina na, sahalak parmahan dung I dijou do ibana sian parmahanan, dipillit ibana songon sahalak Raja jala di pahot Debata hajongjongan ni harajaonna. Sude i ndang alani hamaloon ni si Daud, dipatau, dipillit  Debata ibana manggomi Israel.  marpadan do si Daud ingkon gabe naposo ni Debata, jala ibana na setia ibana tu Debata. dipangido si Daud muse asa Debata mamasu-masu pinomparna. Boasa dipangido si Daud Debata hot pasupasuna tu angka pinomparna, mabiar do si Daud manimbil angka pinomparna sian hata ni Debata. asa tongtong marpangulahi roha ni Debata tu pinompar ni si Daud. Tutu sahat tu padan na imbaru hot do padan ni Debata tu pinompar ni si Daud,  sian pinompar ni si Daud do haroro ni si Sipalua I. ima Kristus Jesus Tuhan I, na gabe Mesias na paluahon hita sian gomgoman ni dosa.

Songon si Daud sahalak na toras na manangiangkon anakkonna, songoni do nang natoras sahat tu tingki on. Asa tongtong Debata na mangaramoti, manjaga, jala pahothon haporseaon ni generasi ni halak kristen. Jala tugas ni natoras do laho paingothon anakkon asa tongtong biar mida Jahowa ( Amsal 1:7A, 5 musa 6:7). ala tongon do di pangke ari minggu laho patupahon parsiajaran ni sikkola dohot di kursus pendidikan, manghorhon ma angka dakdanak hurang aktip di parmingguon nang songoni di parguru malua.

2.  Hatindangkon Habalgaon ni Jahowa (ayat 26-28) : Di hatindanghon si Daud Debata ima na sun Timbul, dirajumi si daud umbalga Debata sian debata na asing. Umbalga Debata sian debata ni halak misir. Dung i, dirajumi ibana, ndang gogo ni si Daud mambaen goarna tarbarita di saluhut Israel, alai sude ala campur tangan ni Debata diramotion ni Debata  do pinompar ni si Daud. Pasupasu na dilehon ni Debata tu si Daud ala ndang adong Debata dungkon Debata ni si Daud na manongtong satia tu saluhut na tinompa. Jala halak Israel gabe anakkon halomoan ni roha ni Debata. Ala nungga dipasupasu halak Israel tarjou ma nasida manghatindangkon denggan basa ni Debata. Marhite pangoluaon ni nasida asa marsangap goar ni Debata.

Halak na porsea na olo manghatindangkon pambaenan ni Debata ima na olo mamuji Debata di saluhut ngoluna. Ala dihatindanghon ibana do pambaenan ni dipardalanan ni ngoluna. Boasa maol halak manghatindanghon habalgaon dohot asi ni roha ni Debata, ala terpokus do hita tu parungkilonta sandiri, hape ndang manaili hita tu pudi songon dia Debata marmudu mudu ngolunta, mangudut sude hosanta sahat tu tingkion. Molo sipata manaili hita tu pudi sahat tu tingkion , pasti boi do ibana laho manghatindangkon Yesus di bagasan ngoluna, dohot tu halak na asing, Matius 5:16 “ Naeng songon I ma marsinondang palitomuna do jolo ni halak, asa diida angka pambahenanmuna na denggan I, asa di puji nasida Amamuna na dibanua ginjang I”.

Las do roha ni si Daud mambege saluhut bagabaga ni Debata tu pinomparna. Dipatuduhon si daud do las ni rohana I laho mangurupi si Salomo laho pajongjong bagas joro I. disosoi ibana do saluhut bangso Israel, asa saluhutna berpartisipasi laho pajongjongkon bagas joro ni Debata (bnd 1 kronika 22:1-7). dipataridahon si Daud do pangajarion asa mangolu dibagasan hidup gotong royong. Mangolu dibagasan patik ni Debata ima na marsiurupan ( Gal. 6:2). tusi do tarjou sude ruas ni hurianta asa tongtong mangolu dibagasan ulan na marsirupan, ima tri tugas gereja, kononia, Diakonia dohot Marturia. Molo nungga sai tapatujolo ngolu na marsiurupan aha pe na hurang di tongatonga ni huria boi denggan saluhutna.

3. Hot do pasupasu ni Debata :  Dipangido si Daud asa tongtong Debata mamasumasu angka pinomparna (ayat 29). bertanggung jawab do si Daud tu saluhut pinomparna. Dirajumi si Daud do keluarga ima dalan laho patandahon hinabalga ni pasupasu ni Debata di ibana. Di keluarga do dasar laho patandahon hata ni Debata. Alani ma disosoi turpuk on, asa tawarishon iman haporseaonta i tu angka ianakkon. Marhite sian I gabe halak na setia ibana tu hata ni  Debata.

tutu bagabaga ni Debata ndang holan tu pinompar ni si Daud, sahat do tu hita bagabaga I, disrarihon Debata do saluhutna na porlu angka ngolunta. Hot do pasupasu ni Debata di hita, nang pe halak pardosa hita. Ala umbalga do asi ni roha ni hita angka na tinompa, na jinou ni Debata sian saluhut ngulmit ni ngolunta. Alani unang ma tauhumi dirinta sandiri na mandok ndang dipasupasu Debata hita ala pardosa hita. Taingot ma, molo Debata satia do tu hita jala dihaholongi,diparmudumudu  ngolunta. Amen 

Pdt. Demak Siahaan

HKBP Harapan Indah