BAHAN SERMON EPISTEL – MINGGU XIII DUNG TRINITATIS, 03 SEPTEMBER 2023

1. Molo didok Debata: “Aha do na naeng lehononKu tu ho saonari balos ni tangiangmi?” Ra, gumodang do alusta mandok: hamoraon, hadumaon, huaso manang jabatan dohot angka ragam na ringkot di tano on. Alai andul marasing do molo Raja Salomo mangido tu Tuhan i, ima asa marnampunahon Habisuhon ibana (pat. 1 Rajaraja 3) dung dipasahat ibana 1000 pelean situtungon di Gibeon. Dialusi Debata do tangiang na jala dipasahat tu ibana habisuhon jala mamungka sian i ma gabe Raja na tarbarita dirina di sandok angka bangso alani habisuhon na.

2. Dung marnampunahon habisuhon si Salomo lam tarbarita ma dirina tu angka bangso na asing, ala habisuhonna manguluhon bangso Israel. Tarida do lam tarbarita hamajuon ni bangso Israel na ginomgomannai tu salahut angka Raja dohot angka Ratu uju i. Songon Ratu sian Saba/Ratu, Syeba/Ratu Selatan (Mateus 12:42: ‘sahalak Ratu na mamora jala partigatiga rempah-rempah namamora, alai ndang mananda Debata/halak parbegu’) na binegena taringot tu habisuhon Raja Salomo jala gabe mambahen sada komitmen ibana asa pajumpang dohot Raja Salomo huhut mamboan na hushus marragamragam dohot sere nang mata intan na godang, ala naeng pajumpang dohot si Salomo.

3. Di parjumpangan si Salomo, Raja na bisuk i dohot Ratu Saba mampanghorhon angka halongangan dohot hinauli, tarlumobi ma gabe marsangap Debata marhite parjumpangan nasida i. Longang do Ratu Saba ala boi sude dipatorang si Salomo sungkunsungkunna. Gariada ndada holan hapistaran nai dipuji ibana, alai dohot do bagas ni Salomo, sipanganon di mejana, angka parhaladona, naposona sahat tu partanggaonna laho nangkok tu joro ni Jahowa umbahen gabe tarmali tondinasida (tercenganglah Ratu Syeba) huhut mandok ianggo satongana ndang adong songon barita ni dapotna di hutana, dung pajumpang dohot si Salomo.

4. Sian parjumpanganna dohot si Salomo gabe dipuji Ratu i ma Debata, na mangalehon habisuhon tu si Salomo (Ratu Syeba mengakui kemahakuasaan Allah yang memberikan Salomo hikhmat untuk memimpin bangsa Israel dalam melakukan keadilan dan kebenaran). Jala na humebatna gabe didok ibana, jolma na martua do angka parhalado, naposo na pabegebege hapistaran ni Salomo. Lapatanna, ai dohot do ibana gabe jolma na martua, ala boi manangihon habisuhon dohot hapistaran na sian Debata.

5. Songon i ma nahinirim ni Debata di bagasan parngoluonta ganup marsadasada. Songon halak na porsea hita na manghatindanghon angka pasupasu dohot pandonganionNa sepanjang parngoluonta on, inghon gabe sitindangi do hita tu saluhut humaliangta.

6. Udut ni dope, tapamanat ma. Tutu marbisuk jala margogo do si Salomo sepanjang panggomgomonna di tonga ni harajaon ni Israel i. Alai, dung dapotna habisuhon i tung mansai maol do ibana mempertahanhon angka naung uli hian di tongatonga ni ngoluna. Madabu ibana tu bagasan roha daging, laos gabe sisomba debata sileban do ibana hinorhon ni angka hinagodang ni “parsonduk bolon” na binuatna – ala hinagogo ni harajaonna i.[1]

7. Alani i, songon tona ni topik ni mingguta i ma taulahon: “Mangurupi sian Nasa Haholongon”. Molo marsitutu do hita mangarimangi jala manghalashon saluhut naung pinasahat ni Debata di bagasan parngoluonta, laos gabe pangurupi ma hita di ngolunta on (Roha Sisean – Hamba). Asa patar, tung so adong do angka pambahenanta na tuk patupahon i saluhutna, jadi gabe marserep ni roha ma hita mian di saluhut angka denggan basa ni Debata.

8.  Unang tung gabe tumanda halak sileban i tu asi ni roha ni Debata, ala so boi hita mangulahon pangurupion i sian nasa haholongon. Patar do pamujion ni Ratu Seba i, dipuji do Debata siramoti si Salomo. Alai tung pe songon i, ujung na madabu do si Salomo sian nasa habisuhon na i. Gabe patar ma, molo so alani pangurupion ni Debata, tung so adong do boi nanggo aha masa di tonga ni parngoluonta.

9. Na parpudi, tahasabamhon ma angka bisuk na adong di tonga ni hadirionta be. Tung di aha pe namasa, inghon manontong do hita mangasahon haholongon laho mangalugahon ngolunta on. Asa tuk tarbege jala tapaidaida, dia ma sangkap na naeng pinasahat ni Debata di tonga ni parngoluonta ganup. Asa uang lilu hita, jala doa sian parnidaan ni Debata, na sai tongtong mangaramoti hita di paradalanan ni ngolunta on. Antong, lam tatanda ma asi ni roha ni Tuhan i di parngoluonta marsadasada. Amen!